Prakriti ke nikat

Baadlon ke rang kai hain.
Laal, Neele, jamuni hain
Rui ke phaahe ya ujle
Barf ki partein nayi hain.
-------------------------

Godhuli mein laal nikhre
Reshmi julfon se bikhre
Chha gaye hain aasma mein
Baadlon ke jhund kitne.

Chidiyon ka ek jhund aata.
Lautata, hai ghar ko jata.
Ish ne kya chitra kheencha
dekhata main harsh pata.

Yun uda ek daal se wo
Panchhi jaise aatma ho.
Ja raha tha need ko wo
Ish se milne chala jyon
-----------
rang ye kitne sajile
Prakriti mein tap ke nikale
ruk gayi ho saans jaise
Chitra hain itne rupahale

Koi keh de mujhse aakar
Ja raho tum pahadon par
Khush Hounga, Ja rahunga
Prakriti ke nikat Jakar.