Searching for Rhythm

Khaak hamaare wo kaam aayenge

2010-12-17T21:39:00.000-08:00

shukriya kahenge, chale jaayenge

khaak hamaare wo kaam aayenge

humse akele mein parda na tha

humse hi mehfil mein sharmaayenge

chhup ke sanwaara hai ishq-e-wali

nafrat khuda se hai, chillayenge

meri kabar pe jo phool mile hain

lo to gawaahi, mukar jaayenge

paudhon ko aati hai kaisi adab

chhua unhone to murjhayenge

unki tarakki mubarak unhein, hum

apni tabaahi pe itraayenge

2010-11-30T11:26:00.000-08:00

Kahaniyaan sochi kai
Likha nahin

Darta Tha
Kirdaaron ki zimmedirayan
Kaun uthaye

Paida karoon
Aur paal pos na sakoon
To?

Apna lahoo Pila sakoon
Aisi kuwat
Nahin mujhmein

maa hona aasaan nahin hota.

Anshul

Zindagi

2010-11-30T11:19:00.001-08:00

Chhawal chuNne the.
Kaam mushkil tha.

Maine kankar chun liye.

Kitaab

2010-11-30T11:18:00.001-08:00

Khat likhta aaya hoon
baatcheet ki hai
chup rah kar suna bhi hai

Lekin,
Kitaab likhna
Na hoga mujh se

Chitthi, baatein, chuppi.
Sab
Ek baar karo
Aur badlo nahin
jaisi ubhare,
waisi hi
daal aao/ keh do/ sun lo

Kitaabon ko to
sajaate hain
sawaarte hain
lekhak ki kalam se
editor ki desk tak
kanTte chhaTte hain
Ek baar likho
To das baar badlo

Dohrane ka mauka
Jab degi zindagi
Tab likhhonga
Kitaab

Gazal

2009-10-11T11:23:00.000-07:00

Bahut se paap pahle ke bhula baitha tha shahari woh
Alag hai baat ki hai haaziri mein ab kachahari woh

Nahin armaa humein thandi hawaaon meethe sapnon ka
Humein jo chahiye kya de sakogi tum dupahari woh

Kudarati taur par hoti hai raatein shyaah rangon ki
Jise sooraj tha paana dhoondhtaa raatein sunahari woh

Bahut bedhab pasand uski chune hai ber jungle mein
Pare rakhta kabhi imli kabhi meethe Dasahari woh

Badal jaati hai kuchh kuchh aadatein jab umr dhalti hai
Magar ab bhi lagaata hai bichhawan mein Musahari woh

Kabhi baazi lagao, jeetane do chhote bachhon ko
Ki aisi haar ko to jeet ginta hai ikahari woh

Bahar:

Mafaailun Failaatun Mafaailun Failaatun

Bewakufiyan

2008-07-17T12:00:00.001-07:00

Kabhi likha hai kuchh

Mobile ki roshni mein, chhupaake?

Uchhale ho hawa mein

Dono Paanv takraake?

Dekha hai kabhi khud ko aaine mein

ajeeb si shaklein banaake?

Kabhi chhat ki munder pe hue ho khade

Titanic waale pose mein?

Ya football ko ungliyon pe nachaane ki

Practice ki hai?

Karke dekho.

Ye bewkufiyan

Behad pasand hain

Use.

Agar Khuda ek banker hota

2008-07-14T22:35:00.000-07:00

Agar khuda chef hota

To bataata

Lazeez khana

Bina aag pe pakaaye

kaise pakaayein

Agar priest hota

To confession box mein

Doosron ka mann

Halka karta

Mochi hota

To sahuliyat paaon ki

Sahejta

Khubsurti se

Khuda agar

Designer hota

To sochta

Jo bana diya pahle

Usase behtar kaise banaaoon

Khilaadi hota

To maidaan pe

Din tay karta

Ki kaun se keertimaan

Kab behtar karne hain

Engineer hota woh

To banaata kuchh naya

Aur kehta

Banaata to hamesha se hi aaya hoon

Par engineer bankar

maanviy tareeke se

Naya banaane ka

Tamga mil gaya mujhe

Sangeetkaar Hota

To chori karta

Apni hi banaayi

Saikadon aawaazon mein se

Kuchh chuni hui shrutiyaan

Pirota

Aur banaata

Bhahma-sangeet

Agar Khuda banker hota

To bataata

Duniya ke hisaab mein

Liabilities do not equal assets

Chaaron taraf

Khuda ne banaaya hai sab kuchh

Gar kuchh bhi naya karma hota

To chun-ne hote aayaam

Tay karne hote shrot

Aur ban jaati nayi kriti

Kisi upasthit se prerit

Lekin anokhi

Jaise kabhi

Amoeba se

Aaj ka manushya bana.

Kirdaar aur Main

2008-07-14T13:12:00.000-07:00

Ladai Ho gayi thi humse

Kirdaaron ne pahne shabd,
Aur odhe ehsaas
Nikal pade.

Kahaani shuru ho gayi.

Mausam thoda badmizaaz the us din
Khoob Barsa.
Ehsaas poore bheeg gaye.
Par.
Shabdon ne bachaya
Kirdaaron ko
Bheetar tak bheegane se.

Kirdaar chalte rahe.

Raaste mein unhone sune
Hazzar atkalein
Ki hum kyun lade
Unmein sach koi bhi nahin tha
Kalpanaayein sabhi acchhi thin.

Apnaaya, Saheja
Un atkalon ko.
Kahaani aage badhi.

Main ghar soona pakar.
Baahar nikalne ko hua
lekin baarish thi
Paanv kheench liye waapas

Bhatakte hue kirdaar
Rahe the bahut kuchh
Par shahar chhota tha
baarish thamne pe
Dhhondh nikaala humne
Kirdaaron ko
Maidaan ke us paar.

Atkalein darkinaar kar di maine.
Par jo motiyan
mere kirdaar bator laaye hain
Unka kya karoon!

Kahani ki maala mein
Antim daana to koi ek hi lagega.

Dhokha Zindagi ka

2008-07-14T13:09:00.000-07:00

Jaane kyun hota hai
Aur Jab hota hai
to kahan hota hai
Pata kyun nahin chalta

Shaam khaali si
Din bhare se rahte hain
Aankhein khuli ho
par dekhti nahin

Sparsh ka anubhav
Anchhua
Jaise baarish ki boond koi

Sapne sachhe se
Dekhne laga hoon main
Isliye, darr lagta hai

Jaane kyun hota hai
Dhokha mujhe
zindagi ka
Aur Jab hota hai
to hota hai
yeh
Pata kyun nahin chalta.

Kya samandar ban sakoge tum?

2008-07-14T12:30:00.000-07:00

Thhop Di jaaye agar Gehrai tumpe
Kya samandar ban sakoge tum?

Chhand leke surya ka bal
Failaata prakash sheetal
Apni oorza se prakaashit
Karta jaata surya har pal

Swayam jalkar is jagat ko
roshni kya de sakoge tum
kya diwakar ban sakoge tum.

Raat

2008-07-14T12:04:00.000-07:00

Main raat ko
muhaane pe hi chhod aaya tha.

Baat poori ho gayi thi hamaari
Maine ujaale chune the
Raat naraaz hui thi.
Maine palat ke
dekha tak nahin tha.

Aaj
Phir se andhera chha raha hai
Usi muhaane pe
laut aaya hoon
main.

Tohmatein

2008-07-14T11:58:00.000-07:00

Lambi palkon se khinchkar
bejubaan sarhadein,
Ban jaana kisi ki
khamoshi ka sabab,
Bhala kise acchha lagega

Gar chup rahe tum,
sahte rahe sab kuchh,
inmein main kahan tha,
tohmat mujhpe kyun.
Bulaaya hote ek baar.

Teri palkon ki bhaasha
Aati hai humein.
Bejubaan sarhadein laanghna
Koi mushkil na tha
mere liye.

Aaj,
Jab bantwara ho chuka mukammal,
Sarhad ke us paar
kaise hoge tum
yahi sochta hoon.

Dil kehta hai
ki humhein yaad karte hoge.
par maine tumhari
tohmatein odh li hain.

Kya pata,
kabhi sarhadein toot jaayein.
aur aise mein,
mujhe tumhaare saamne
sharminda na hona pade.

Baadlon ki doosri duniya

2008-07-14T11:38:00.000-07:00

Baadlon ki doosri duniya bhi hoti hai

Aankhon mein basi
surk hatheliyon ki lakeeron se gujarti
har dam sarkti lekin
kabhi kahin pahunchti nahin

Badhti hai kyunki khyaalon ke pankh hote hain
Uda le jaate hain is aasmaan ke us paar
Waapas aana nahin hota, bas
Sapne bunate hain
Un sapnon ki kaleen pe udkar
Dekh aate hain is duniya ka haal

mausam badla
to odh lete hain rang birangi odhni
kaali, safed, bhoori, peeli, sunahari
Jaise baarish ko dekh
Sir chhipaane ko
Odh li ho chunari kisi ne

Aur jab,
Saagar bulata hai apne aseem vistaar ki or
Sharma jaate hain
Thaki awaaz mein kahte hain
Yeh duniya
us duniya sareekhi hi hai
Alag kya hai bhala

Wahan bhi suraj ki garmi banaati hai humein
Aur baarish ka mausam humein
pighla deta hai
Sapnon mein aisa to nahin hona chahiye na!
Bolo, main kya jawaab doon
is rumaaniyat se bhare sawaal ka?

Anshu Musalsal jal rahe honge

2008-07-14T11:11:00.000-07:00

Ghar ka sonpaak mujhe namkee laga zara
chaashni mein maa ke aansoo ghule honge

bheint ka wrapper kareene se saheja hai
unmein likhe kahin shikwe gile honge

police behichak bulaane ko aayi hai
badon ki shakl ke bachhe mile honge

jung kar ke thak ke baitha hai mera zameer
kaisi geeta, kahan apne karbale honge

Zindagi ka daayra samet liya hai
Ishq karke hum kya phir se baawle honge

Jo masal daale unhone teergi ke beej
phool banke meri kabr pe khile honge

Ug ke aana, doob jaana - dekhna thhahra
Dar-asal anshu musalsal jal rahe honge

sonpaak - a kind of sweet
Karbale - Holy war of karbala, which symbolised essence of values and ethics over life (used here in ap-bhransh)
anshu - Sun

Dher se Chhote Sher

2008-07-14T10:45:00.000-07:00

1. baatein Sau Puraani
khamoshi ek nayi
Yeh Kaisa muqabla

2. Main Nazm thi

Sanwaaraa tune mujhe
gazal bana diya....

3. Har raat ek samaan

Har subah nayi kaise?

4. Maine kaha tha, mat gino

Hisaab milega nahin

5. ......:::.Kirdaaron ne pahne shabd:::......

......:::.aur odhe ehsaas:.....
......:::.Kahaani bani:..........

6. Immaratein banaaneko

Tode gaye ghar

7. Gareebi ke khel

Bisleri ki botal
Mitti ka tel

8. Bhoolna seekh gaya jaise

Ishq phir se ho gaya

9. Turup ka patta main tha

Chaal uski thi

10. khurduri twachaa

namakeen parat
mehnat ka saboot mere

11. Mitti mein maha baaki hai

Baarish ne bataya.

Chhoti Nazm

2008-07-12T16:14:00.000-07:00

1. Marasim saare khatm hue
Sadakon pe ghaas aa gayi.

2. Aankhon mein ummeed
Sufi ka gaana
Dono khoye kahin.

Aasmaan ke paar

2008-03-30T19:44:00.000-07:00

Baadlon ki doosri duniya bhi hoti hai

Aankhon mein basi

surk hatheliyon ki lakeeron se gujarti

har dam sarkti lekin

kabhi kahin pahunchti nahin

Badhti hai kyunki khyaalon ke pankh hote hain

Uda le jaate hain is aasmaan ke us paar

Waapas aana nahin hota, bas

Sapne bunate hain

Un sapnon ki kaleen pe udkar

Dekh aate hain is duniya ka haal

mausam badla

to odh lete hain rang birangi odhni

kaali, safed, bhoori, peeli, sunahari

Jaise baarish ko dekh

Sir chhipaane ko

Odh li ho chunari kisi ne

Aur jab,

Saagar bulata hai apne aseem vistaar ki or

Sharma jaate hai

Thaki awaaz mein kahte hain

Yeh duniya

us duniya sareekhi hi hai

Alag kya hai bhala

Wahan bhi suraj ki garmi banaati hai humein

Aur baarish ka mausam humein

pighla deta hai

Sapnon mein aisa to nahin hona chahiye na!

Bolo, main kya jawaab doon

is rumaaniyat se bhare sawaal ka.

har subah ka ashaar

2008-03-30T05:33:00.000-07:00

Ahale subah har din

ashaar likh jaata hai koi

alfaaz pahunchte hain paas

lekin kuchh chup se

thode sahme, thode naraaz

par maan jaane ko taiyaar

main kuchh bhi kahoon

sunte zaroor hain

par haalaat, tabiyat, aur mausam

maayne tay karte hain unke

mann karta hai poochhoon

kaun hai jo likhta hai har din

kaun hai jo har din yaad karta hai mujhe

Lekin unhein bhi pata nahin

yeh main jaanta hoon

................

Udhaar

2008-03-27T14:00:00.000-07:00

Udhaar doston ke paas rahe
dosti maine rakh li.

Khuda ne kaha

2008-03-27T13:57:00.000-07:00

Turup ka patta woh tha

Chaal meri thi

Khuda ne kaha

Aawaargi

2008-03-27T13:40:00.000-07:00

Hatheli pe boondon ko uthaao
Sarak jaate hain lakeeron ke beech

Aawargi boond ki fitrat, ya lakeeron ki.

Thakan

2008-03-21T01:52:00.000-07:00

Udaasiyon ki ghadi thakaati hai aankhein

Tumhari kami ek gehra bojh hai

Thak gya bahut, chalo neend acchhi aayegi.

2007-12-06T02:20:00.000-08:00

Kabhi khushiyon ko bulaa bhejo
Ki jii udaasii se bhar gaya

thodi jagah abhi bhi khaali hai.

2007-12-06T01:45:00.000-08:00

kabhi Udaasiyon ko bula bhejo
Ki jii khushi se bhar gaya

Thodi jagah abhi bhi khaali hai

Tamasha

2007-11-28T12:35:00.000-08:00

Jab se wapas aayi hai woh, khush hai
Aankhon ki chamak uski, hamara andhera

Har subah ka tamasha boodhi aankhein kab tak dekhein.

(I have had an expsoure on the issue of migration and prostitution during my earlier work. This triveni has roots in that experience.)

Triveni (4 Aug 2007)

2007-11-19T12:32:00.000-08:00

Kaanch ke baadal

Udana chahta thaa main baadlon ke paar
Bharosa tha girne ke liye dharti ki god to hai

Uda to dekha baadlein aaina hain, Kaanch ke bane.
===========================

Adhura Kaarya

Kaun hoon main jaanata yadi
Shabd likhata nahin, gadhata

Kuchh aadhe adhuure gadya pure karne hain mujhe.
===========================

Priority

Doctor advised me to relax and work
I prefer work and relax, and work.

Priority, thats what life is about.
==========================

Diya

Sooraj chala gaya, chand abtak aaya nahin
Roshni mere bheetar ki ghar bhar faili hai

Kaash, pados ka diya bhi jala paata main
=========================

Hausale waale raahi

Saahil chuup hai, yahan toofan ka andesha nahin
Butaroge to oonchi lahron se takraaoge

Daaraate daaraate thak gaye wo, rasta paar ho gaya.

Prashna

2007-10-30T00:12:00.000-07:00

Kya hai woh?
Jo mujhko Jode tumse
Tumko jode mujhase
Ye hai sahaj vishwaas.

Kya dekhoon main?
Har pal dikhati tum hi
Tumse itar kuchh nahin
Ye kaisa aabhaas.

Khush hooon kya?
Tumse miloon khil jaoon.
Dur jaoon murjhaoon
Ye kaisa ullaas.

Pyaar karoon main?
Roj naye udgaar.
Nit seema vistaar.
Ye sab bina prayaas.

Tumko Dhundhoon?
Kaise jhankoon bhitar.
Tera aks hai andar
Tum ho mere paas.

Sukoon

2007-10-30T00:01:00.000-07:00

Ek purane khat mein dekha itr ki khossboo ab bhi thi
Syaah panne aur dhundhale harf puraani jabaan mein bolte the

Sukoon mila kam se kam maazi to baatein karta hai humse

ZID

2007-10-29T23:50:00.000-07:00

Saath dena chahte the woh aage bhi
unhein rok diya humne mod pe hi

Ajeeb zid thi bicchhadne ki.

Shabd

2007-10-22T12:31:00.000-07:00

Sochna hi kehna nahin hota
Shabd jodne padte hain
Kehna hota hai.

Chhuppi bolti hai
aisa suna bhar hai

Tumhare jaane ka sannata
Shabd ki parchhaiyon ke beech
Khamosh hi to hai tab se.

Kab suni tumne aawaazein
Maine to pukaara nahin
Mujhe pata hai
Sochna hi kehna nahin hota
Shabd jodne padte hain
Kehna padta hai.
Lekin.....

Shabd laaoon kahan se
Mere vyakaran ki jyamiti mein
Sangya tum thin,
Shabdawali tum,
Kriya tum.

In-hi shabdon ke judne se
to banti hain baatein

Mera sannata nahin bolta mujhase
Kuchh baatein karni hain

Mere shabd waapas dogi mujhe.

Chori

2007-10-14T12:58:00.000-07:00

Hatheli pe chaku ke nishaan aise hain
taqdeer se chhoti si takraar jaise hain

jeevan rekha theek karni hai, sabr se karo.
==================

Hatheli pe chaku ke nishaan aise hain
taqdeer se chhoti si takraar jaise hain

chori sabr ki karni hai bhai, sabr se karo

Kapde

2007-09-18T01:38:00.000-07:00

Nigaahen jaan leti hain, main chhipaa nahin pata
Bedhange knots bata dete hai din bhar ki thakan

Bina kapdon ka bachpan mera kabhi thaka nahin tha

Tarzuma

2007-09-16T12:30:00.000-07:00

Pyar-au-nafrat ka saancha alag alag
Deshon ki boli, sarhad, bhasha alag alag

Kilkariyon ka tarjuma karte, mushkil hal ho jaati.

Laal

2007-09-13T13:39:00.000-07:00

Har shaam jab laal ho utthata hai chhitiz
Aasmaan yaad dilata unki aankhein

Lautate panchhi isliye dekhata nahin main

Keypad

2007-09-13T12:47:00.000-07:00

Teri pukaar nahin pahunchi mere paas
Doori bhar rakkhi thi kaano me humnein

KEYPAD ke zariye ab mil lete hain kabhi.

Baarish

2007-09-07T19:48:00.000-07:00

Purane safhe, Tera sparsh
chhot ki nishaniyaan, purane zakhm

Kal ki barish ne dho diya sab kuchh

Haath

2007-09-07T18:26:00.000-07:00

Haath kyun dhoondhate hain saath tera
Inko ye aadatein padi si hain

Aaj phir aapki kami si hai.

5 Trivenis

2007-09-07T13:00:00.000-07:00

1. Gend laana yaad hai na, poochh ke munna gaya
Maa thi kehti dawa bhi bas aaj tak hi chal sakegi

Bees rupyon mein kahan se sab ko khush kar paoonga?

2. Ghar pe aane ke bahaane main tujhe deti nahin
Kaisa nalayak hua hai, kab abhi aayega ghar

Maa ki bimaari ka sunke, mujhko yesab yaad aaya

3. Haath dhalaki kitabon se, panne gum se ho gaye
padhte padhte hum achanak beech hi mein so gaye

Zindagi ne maut ko publishing rights bech di.

4. Jhooth sach ka farq kitna, jo samajh mein aa gaya
Teri aankhon ki kasam, hum jhankana bhi chhod dein

tab talak mujhko mere kuchh aks dhondhane to do

5. Hothon pe chuppi, kasi rekhayein, mathe pe hain bal
kaam se thak ke hai baitha rozi roti ka mureed

kaise samjhayein ki uska daana-paani uth gaya.

Nazar

2007-09-07T12:50:00.000-07:00

Bus stop pe chal chuki bas ke peechhe
Daude aur peeth ke bal gir pade

Mahanagr ki Sadak se pehli baar aasmaan nazar aaya

Bheeshm se kuch prashnhe

2007-09-02T16:07:00.000-07:00

This one is inspired by the writing style of Hindi Poet Dinkar and his master piece Rashmi Rathi (wherein he made Karn the protagonist of his epic narration on mahabharat).I had read an article by Hazari Prasad Dwivedi (as part of our school curriculum) wherein he questioned Bheeshma Pitamah for his role as a partiarch. I was reading Dinkar during those days and the possibility of making Bheeshma the protagonist seemed interesting. Couldn't translate the wishes then. What I present now is a smaller version of what otherwise could have been a longer version with chapters entwined.

Bheeshm se kuch prashnhe

Bheeshm! tumne kyun diya vachankya
naam 'Debbrat' bura laga
the pitri -bhakt tum ye maana
kya pita ka aashay padha na tha

the yuva apitu brahmchari
rahne ko jeevan bhar tatpar
the pita vriddh, lekin kaami
kya mansha ko samajha na tha

tum rahe akele jeevan bhar
vaidhavy jhelate the pal-pal
sau putr-pautr, saathi sangi
lekin koi apna na tha

tumse na tha koi veer bada
ho gagan, paataal ya ho dhara
tum rann ke yoddha sarvottam
lekin paurush poora na tha

Kya vachan diya tumne is dhyey
mile kirti tumhen aparimey
dhikkar tumhen tum dar bhage
kya vansh-dayitw adhura na tha.

Marsiya

2007-09-02T15:11:00.000-07:00

Hawaayein jo sunati hain
Woh lori hai ya marsiya

Ye sihran aur darr
Lori mein to aisa nahin hota.

Marsiya: Song of death

Koi to paas rahe

2007-09-02T13:13:00.000-07:00

This composition started as one ashaar for 'sabse chota sher" and grew to be a full composition.

------

Neend kyun nahin aati
Koi to paas rahe

Raat khush ho-le magar
Ghadi bhar udaas rahe

Bhookh se main thak gaya
Ab zara upwaas rahe

Soorat bhool gaya sa main
rekhayein talaash rahe

tum bulao phir ek baar
aise mere ardaas rahe

Paaon ulajh gaye to kya
raste kyun hataash rahe

but badla, but-parasti badli
Phool to palaash rahe*

*In hindu mythology, Palaash was a discarded flower till shiva asked his devotees to offer it to him (with bel-patra) each time they prey. I am using this metaphor here to signify changes in love and am urging not to change the paraphrenelia even if basic players have changed.

Vaada

2007-09-02T02:26:00.000-07:00

1. Humse mil ke kai baar gaye, sanjeeda aankhein taad gaye

Bachpan ke khel saleeke se seekho - ye kahte haar gaye.

Ye vaada nahin, apne banchhon se main ye sab kah paoonga.

==================

2. Humne tum se jo kaha tha

Sab yahin kahin kho gaya hai

Vaada khain likha nahin jaata

==================

3. Raah mein mujhe mil gaya woh, shaam hone ja rahi thi

Raat ki andhiyari chhuppi marsiya gunguna rahi thi

Subah ka chhal yaad rakhun ya rakhun raat ka vaada.

Poem

2007-08-29T04:50:00.000-07:00

Dukh mila aur wo ro diya
Bechaara abhi khiladi kacchha hai.

Shaitaniyan gar kisi ki muaaf ho jayein
Samajho wo aadmi baccha hai

Jhootha main bhi hoon, par andaaz sachha hai
Kam se kam safed jhooth se to acchha hai

Girgit bhala kyun kahte ho zindagi ko
Ye Idd ki saviyyon ka lacchha hai

Kya hai kavita?

2007-08-29T04:35:00.000-07:00

Kya hai kavita?
Shabd nahin hai to kya hai?
Amrit hai ye.
Jeevan vrit ki trizya hai.

Kya hai kavita?
ratn yahi hai bhasha ka
Bhavukta hai.
Aiyyaron ka lehza hai.

Kya hai kavita?
Vidha hai ek saahitya ki.
Bhaav prawan hai.
Marga-darshika pragya hai.

Kya hai kavita?
Shaili hai kuchh kahne ki.
Shakti hai yeh.
Khand-khand ki sangya hai.

Kya hai kavita?
Kaam nahin hai murdon ka.
Laykaari hai.
Sundar si ye kalpna hai.

Kya hai kavita?
Samvaadon ka hai sansaar.
Baat-cheet hai
Dwigaami yeh saadhana hai.

Yunhi

2007-08-27T12:24:00.000-07:00

TV channels yunhi badal deta hoon
Guide hota to kya baat hoti

Kuchh apni zindagi sa hai TV.

Hazaar (triveni)

2007-08-27T12:22:00.000-07:00

Hazaar tohfon ki saugaat liye
Hazaar meel aayi nayi bahu

Hazaar raaton ka sach, ya Jhooth.

Aukaat

2007-08-27T12:20:00.000-07:00

Gehre Jhaankaa jab kuaan mein
shakl tak dikhai nahin di khud ki

Aukaat chhoti kiski - meri ya khuda ki.

Kuchh Chhote sher aur ek triveni

2007-08-27T12:00:00.000-07:00

1. Sunai jo di humein
Mera zameer to nahin.

2. Chapters aage peeche hain kya
Milne ke pahle bichhadna?

3. Ghar zamin pe mat banana
Zamin pe hawaayein acchhi nahin chal rahi............

4. Ab kheton se hoke gujarte hain
Tank raasta banayenge

5. Certificates bikhar gaye
Hawa bhi daga de gayi.

6. Rukh badal ke dekho
Chehare badal jaate hain.

7. Rukh badal ke dekha
Chand kuchh thehra sa hai.

8. USB si zindagi
Dher si yaadein, dheron files.

9. Kaise samajhayein unhein
Chithhi pahunchane mein hafton lagte the

10. Zindagi se daud ka hashr
Tyres flat ho gaye.

11. Teri angoothi kho gayi
Aakhiri sira jaata raha.

12. Mobile Holder dhondh lo
Kahin mera dil mil jaye.

13. Auto mein baithane ke pahle
Zindagi poochh baithi,"Change hai?"

14. Zindagi ne poochha,"Change hai?"
Hazaar ka note tha.

15. Satellite phone se confirm kiya
Kheton mein pesticide chahiye.

16. Solahwa saal kuchh khaas hai.
Aisa suna bhar hai.

17. Chaand nahin dekhata main ab.
Tum yaad aati ho.

18. Kaisi kahani likhi. Adhuri.
Ishwar ho ya serial writer.

19. Istri mein kapde chipak gaye.
Mahina abhi baaki hai.

Triveni:

1. Film thi.
Do end chalenge.

Zindagi hoti, to?

Prakriti hai Balwati

2007-08-27T04:22:00.000-07:00

Prakriti se hoon aprichit

mahima kitni hai, anishchit.

Jo kabhi hum bhid pade to

Jeet uski hai sunishchit

Hum sabhi aage badhe hain

Jadon se lekin hate hain

Oxygen ke centres hai ab

Saath hi jungle kate hain.

Darr hai lagta prakriti se

Aasare ab vikriti ke

Kabhi tsunami, kabhi bhukamp

Ishwar dooba swa-kriti se.

Saumya chehara prakriti ka

Shiv ko peeche chhod sakta

Sudarshan hai, Shaant hai, par

Lasya-taandav jod sakta.

dekh maanav, aur darr tu.

Ikchhaon pe kaabu kar tu

Prakriti to balwati hai.

Iska kuchh sammaan kar tu.

Gazal

2007-07-30T04:44:00.000-07:00

Ghar mein roshni karne se ghar ji nahin uthata.
Ise ghar banana ho to insaan basaiye

Khuda ne suraj harek ki kismat mein nahin likha
Jo paas hain ujale, unhi se dil lagaiye

Zindagi kalam hai, likhati rehti hai.
Ise rishnai nahin, mohabbat pilaiye

Sahi hai ki khuda pattharon mein nahin basta
Par wo kahan nahin hai, yeh to bataiye

Dil agar zinda hai to dukhata bhi hoga
Jo kabhi roya nahin, woh insaan dikhaiye.

Ehsaas

2007-07-24T05:16:00.000-07:00

Ye Baatein.
Mann ki baatein.
Tum ho mann mein,
mann sundar hai.
Mann khush kyun hai?
tera ghar hai.
Chhota ya bada
par sundar hai.
Sapnon si bani, phholon se saji
Bhaavon se bhari, kuchh kuchh behki
Kya kahte ise? Main kya janoon?
bas janoon yeh hai tere liye
Dil mein dhadkan hai tere liye.
Thoda sa darr hai tere liye.
Kuchh mann mein kasak hai tere liye.
Andekha safar hai tere liye.
Aankhon mein nami, hothon pe hansi.
Mithi si chubhan, thodi si khushi.
Pyara ehsaas sab tera hai
Dheron vishwaas sab tera hai
Din-raat ka manzar tera hai.
Bhaavon ka samandar tera hai.
Woh khat bhi tere naam ke hain
Jo bheje maine kore hain
Aur unko bheja maine hi
Jo khamoshi se poore hain
Wo waqt bhi saara tera hai
Jab main akela hota hoon
Tum raho- na raho saath mere
Main aks tumhara chhuta hoon
raton ko baatein hoti hain
jaago to baatein hoti hain
So jao to sapne mein
Bhi mulaakaatin hoti hain
Tum ho to mera hona hai.
Tum na hote to kya hota
Hota main tab bhi, lekin
Hone ka matlab kya hota?

Ehsaas

2007-07-23T11:54:00.000-07:00

ये बातें.
मन की बातें.
तुम हो मन में,
मन सुंदर है.
मन ख़ुश क्यूं है?
तेरा घर है.
छोटा या बड़ा
पर सुंदर है.
सपनों सी बनी, फ़ूलों से सजी
भावों से भरी, कुछ कुछ बहकी
क्या कहते इसे? मैं क्या जानूं?
बस जानूं ये है तेरे लिए
दिल में धड़कन है तेरे लिए.
थोड़ा सा डर है तेरे लिए.
कुछ मन में कसक है तेरे लिए.
अनदेखा सफ़र है तेरे लिए.
आँखों में नमी, होठों पे हँसी.
मीठी सी चुभन, थोड़ी सी ख़ुशी.
प्यारा एहसास सब तेरा है
ढेरों विश्वास सब तेरा है
दिन-रात का मंज़र तेरा है.
भावों का समंदर तेरा है.
वो ख़त भी तेरे नाम के हैं
जो भेजे मैने कोरे हैं
औ उनको भेजा मैने ही
जो ख़ामोशी से पूरे हैं
वो वक़्त भी सारा तेरा है
जब मैं अकेला होता हूँ
तुम रहो- ना रहो साथ मेरे
मैं अक्स तुम्हारा छूता हूँ
रातों को बातें होती हैं
जागो तो बातें होती हैं
सो जाओ तो सपने में
भी मुलाक़ातें होती हैं
तुम हो तो मेरा होना है.
तुम ना होते तो क्या होता
होता मैं तब भी, लेकिन
होने का मतलब क्या होता?

Nazm

2007-07-07T04:54:00.000-07:00

Humne poochha ki tumhari umar kya hai?
tay kiya zindagi ka safar kya hai?
Tum ginane lage kyun bitaye saal
Kaho, haadson ka asar kya hai?

Saleeke ki zindagi ka haq sabhi ko hai
Zakhmon pe malham ka haq sabhi ko hai
Khaana bhi haq hota sabhi ka, isliye
Mehsoos karo bhookhon ki nazar kya hai.

Taqdeer cheez badi hoti hai
Haat ki lakeeron mein zari hoti hai
Zindagi iske bina chalti nahin
Hum chal rahe hain, dekho zigar kya hai.

Aayega utarke koi tumhein le jaane
Sapnon ki duniya mein ghar basane
Magar phir tum darr jaati ho
Main poochhata hoon ye 'magar' kya hai?

Pankhe se ab aati hai garm hawa
Sab poochhate hain kya ho raha.
Bematlab ki baatein kyun poochhate ho
poochho ab ki 'sifar' kya hai?

Farzande-zamin hum sabhi hain
Milna sab ko mitti mein hai
Par jab tak hain, hain.
Maut ki fiqar kya hai.

farzande-zamin= Son of soil
Sifar = Zero

MAA

2007-06-27T11:55:00.000-07:00

Poora janati hain humein
Addoore khat si Maa.

Ghar mere aake gayi
Khaali chhat si maa

Bimaar main, ilaaz meri

Kadwe sat si maa

Kitna chaha yeh na chhooti

Acchhi lat si maa

Kabhi kabhi hi pade zaroorat
Shak samvat si maa

Sak-samvat = Hindi calendar

Prakriti ke nikat

2007-06-22T03:58:00.000-07:00

Baadlon ke rang kai hain.
Laal, Neele, jamuni hain
Rui ke phaahe ya ujle
Barf ki partein nayi hain.
-------------------------

Godhuli mein laal nikhre
Reshmi julfon se bikhre
Chha gaye hain aasma mein
Baadlon ke jhund kitne.

Chidiyon ka ek jhund aata.
Lautata, hai ghar ko jata.
Ish ne kya chitra kheencha
dekhata main harsh pata.

Yun uda ek daal se wo
Panchhi jaise aatma ho.
Ja raha tha need ko wo
Ish se milne chala jyon
-----------
rang ye kitne sajile
Prakriti mein tap ke nikale
ruk gayi ho saans jaise
Chitra hain itne rupahale

Koi keh de mujhse aakar
Ja raho tum pahadon par
Khush Hounga, Ja rahunga
Prakriti ke nikat Jakar.

Aage kya karoon?

2007-06-19T06:50:00.000-07:00

He priye, main prem ka vistaar aage kya karoon?
Bas tumhin ho, ab kisi se pyaar aage kya karoon?

Jab bhi hoti koi icchha, tum hi hoti kendra mein.
Apni Icchaon ka vistaar aage kya karoon?

Ye samundar hai, na koi tat na koi kinaara.
Bhatakta hoon, ab bhala nistaar aage kya karoon?

Ye kashish hai jo, bala hai. Rog hai ye lailaaz.
Kya karoon main, iska ab upchaar aage kya karoon?

Yun bhi gujare hain hamare din bina sampark ke.
Roke hai humko kathin sansaar aage kya karoon?

Dhundhata hoon koi tinka jo mile is dhaar mein
Main pada hoon is samay majhdaar aage kya karoon?

Hai musibat beech mein is raah ke to bepanaah
Chal chuka hoon, ab bhala inkaar aage kya karoon?

Sapne sachhe ho sakein; tha iska mujhe intejaar
Ho chuka un sapnon ka deedaar aage kya karoon?

Jane kya deewanapan hai, sochana har pal tumhein
Kahani kewal tum tak hai, kirdaar aage kya karoon?

Ulajhane Do

2007-06-19T04:41:00.000-07:00

Talaash Aankho ki
Gehrai baaton ki
garmi saanson ki
Khatm na ho.

Din Saalon mein
Jaam pyalon mein
Pyaar baaton mein
Dhalane do.

Vichaar mann mein
Ghar van mein
Dev tan mein
Banane do.

Julf sar se
roshni ghar se
kopalein jad se
bikharne do

Nazarein aankhon mein
khayaal jaalon mein
dil baalon mein
Ulajhane do.

BHAGWAAN YA KHUDA?

2007-06-17T03:43:00.000-07:00

Aao, kuchh baat karein.
Dil ki nahin, dedh gaj upar dimaag ki.
usaki, Jo banaata hai
Hindu aur Musalaan.

Koi shareer pe nahin likhata.
Bas, baaton ko jehan mein Ghused dete hain.
Andar, Kahin gehre.

Woh daba baitha rehta hai
Kai baar anjaane hi.
Andar kone mein.

Phir,
Achaanak kisi din.
Woh uthata hai
Andar se deewaron pe
chot karta hai.
Baukhlaate hain sab.
Kuchh badal Jaate hain.
Aadmi se
Hindu aur musalmaan ban jaate hain.

Is virus ka kya ilaaz hai.
Iska hal.
Main bhagwaan se poochhoon ya khuda se?

Aasha

2007-06-17T02:37:00.000-07:00

Udaas main hua.
Par Asha Maine chhodi nahin.

Mujhe tha vishwaas.
Phool phir khilenge
Hariyaali phir aayegi.

Tab, mere bhi din phirenge.

Raag

2007-06-10T12:51:00.000-07:00

Zindagi ke taar khichatein hain
Aawaaz acchhi aati hai

Par woh kah rahe the 'raag sahi nahin'

(MY FIRST EVER TRIVENI)

Kaun Kahta hai hum akele hain

2007-05-13T22:04:00.000-07:00

Kaun kahta hai hum akele hain
Sang tanhaiyon ke mele hain

Mera saaya yun mudke kehta hai
Pahle kabhi hum kya mile hain

Sard raatein alaav ki garmi
Unko milte kahan ye chonchale hain

Ungliyaan khud mein ulajhi si lagin
Sach mein dekha, abhi bhi faasle hain

Pani ki thah mein kai ka zamna
Kudrat mein bhi khuda akele hain

Palakon ki zumbish ko taraste rahe hum
Aankhein teri band, honth mere sile hain

Koshish (Poem by Amit)

2007-05-11T22:13:00.000-07:00

Bas koshish karta hoon wo karne ki..
jiski kabhi koshish nahi ki...
Saans lene ki, Jeene ki
Kisi ko mahsoos karne ki
apne aas-paasUdne ki,
Aasmaan chune ki...
Be-rok-tok,, bindaas...

Koshishein hii to kaamyaab hoti hain... :))

Written by: Amit Ranjan, 20th Nov, 2006 [Comment by Poet: Bas likhe ja raha hoon.....bina jaane... bina samjhe. Likhna mera kaam hai, samjhna padhne walon ka:-) ]

Gazal

2007-05-10T11:10:00.000-07:00

Humne to tumse jhooth kaha tha
Tumne to sachhi baat bana di

Is koshish mein ki aaina dekhein
Saamne se tasweer hata di

Tapti raatein, din hue bojhil
Tumne ye kaisi hawa baha di

Rasta aasan, paas hai manzil
kaisi yeh ulti baat padha di

Sapnon si aankhein, aankhon mein sapne
Humnein to aankhon mein raat bita di

Teri baatin yaad hain mujhko
Tumne meri baat bhula di.

Zaroorat

2007-05-09T12:56:00.000-07:00

Acchaiyan gosht nahin hain, namak hain.
Inke bina khana nahin pakta.

Aadmi kitna bhi bahak jaye, par yaad rakhe
Sharbat pheeka nahin chalta.

Jeibein bhari hon to acchha hai.
Par nisbatan, haath khali hi acchha.

Buraiyaan dhoondhonge to bahut milengi
Par kyun dhoondhein.
Aaina hi kya poora nahin padta.

Yaadon

2007-05-07T11:50:00.000-07:00

Ai Yaadon.
Yun waqt-bewaqt na aaya karo.
Aaj kal main jara professional ho gaya hoon.
Meri Secratary se milo.
Milne ka samay nishchit karo.
Sapna naam hai uska.
Agar lage
Ki tum usase jyada khoobsurat ho,
Tabhi aana.

Kavitaaon se baat

2007-05-05T11:47:00.000-07:00

Ai Ajanmee putriyon
Yeh samarpan tumhare liye
ki ab main clinic nahin jaoongi
Main doctor aur hatyaare ko
ek na banaoongi

Tum Aao.
Swagat hai tumhara.
Aakhir tum meri hi to ho.
Phir chinta kaisi?
Rok kyunkar?
Inkaar kyun?
Sweekaar ho mujhe tum
jab aana chaho, tab.
Apni samast chetana mein
mera yeh nimantran
Tumhaare liye.

Aakhir main bhi to hoon MAA.
Maine bhi jheli hain prasav peeda
maine gadha hai roop tera
Aur ab, tujhe bachane ko
Leti hoon Pran
Na hone doongi bhroon hatyein
Mere dwara.
Yeh samarpan tumhare liye.

Main abhi tak mara nahin

2007-05-04T12:13:00.000-07:00

saans abhi tak hai baaki, nabz pe ungali mat dalo
aankh mein sapne zinda hain, main bhi abhi tak mara nahin

pankh tumhare kaam ke hain, baadal paar se rishta hai
apni zameen ke washinde hum, apna mann to bhara nahin

sachhe insaa ki tanhai, sab kuchh pakar kho dena
khokar sab kuchh mil bhi gaya gar, saath to unka mila nahin

Intezaar kya varshon ka hai

2007-05-01T13:49:00.000-07:00

कौन है वो और कब आएगी
इंतज़ार क्या वर्षों का है

सपनों में है, साँसों में है
धुंधली सी वो आंखों में है
मूर्त रुप को कब पायेगी
छोटा लम्हा वर्षों सा है

सोता हूँ कि उसको देखूं
सपनों से पर मुझे जगाये
रूह से उसकी मिल तो चुका हूँ
सच में मिल लूं क्या रास्ता है

हो सकता उसके उर में हो
अवश कटीली डालें भी
पर उसके पल्लू में शायद
छोटा पौधा सरसों का है

उसके जैसी कई दिखती हैं
मुझको भी अच्छी लगती हैं
पर मेरी चाहत में ढलने
का दिन कल या परसों का

One of the first poems by me.

अमित की कविता

2007-05-01T03:33:00.000-07:00

यह कविता मेरे दोस्त अमित ने लिखी है। तारीख २३ अप्रील २००७, वक़्त रात के १ बजकर १३ मिनट।

नींद कहॉ है क्या उसका पता है
कोई उसे बुला दो आवाज़ लगा दो
इन आंखों में अब नहीं वो रहती
उसका घर तो अब और कहीँ है
हो सके अगर तो उसको समझा दो
कोई चाहे उसको ये उसे बता दो

बहुत कम लिखा है उसने, लेकिन जब लिखा है तो निरुद्देश्य कभी नहीं लिखा।

प्रकृति के निकट

2007-04-27T06:26:00.000-07:00

कोई कह दे मुझसे आकर जा रहो तुम पहाड़ों पर
खुश होऊंगा जा रहुँगा प्रकृति के निकट जाकर

Aisa Nahin Hota

2007-04-25T12:04:00.000-07:00

Hawaayein jo sunati hain wo lori hai ya marsiya
Ye sihran aur darr! Lori mein to aisa nahin hota

Banaye the kabhi shakhon pe ghar humne bhi bachpan mein
hawaayein khwaab chhoo jayein kabhi aisa nahin hota
(meaning: changes do not result in death of dreams)

Bahut ulajhe ki ab to doston mein farq karke dekh
Harek aankh ka paani kabhi ik saa nahin hota

Apna Aib

2007-04-21T12:32:00.000-07:00

Apna aib humein kholana bhi chahiye.
Taki log humein dewata na samajhein

Aur agar tum mein aib nahin hai
To jo log tumhein phoolon ka haar denge
Woh hi Isah aur Gandhi ke samaan
Ya to sooli pe latka dengein
Ya tumhein goli maar denge.

Isah = Christ

Nigaahein

2007-04-19T11:08:00.000-07:00

Banaaye humne rishtey, aansoo ke dard ke
Khusioyon ki hum mein chaah ek thi

Ek hi thi manzil, raah ek thi
badalte rahe chehare, nigaah ek thi

bachaa ke humnein rakha hai teri yaad ko
Bhulaane ki sabki salaah ek thi

Tez hue khanjar aur badle hain haath
Par ghaav ek tha aur Aah ek thi

Haalaat se jab bhi jhagada hua mera
Khuda ke siwa meri panaah ek thi

Teri nigaahon mein jadoo tha kya
Unmein to raat-o-subah ek thi

Tumse ummeedein meri hi thi adhik
Behlao ek tha, nibaah ek thi.

Shelf

2007-04-17T12:26:00.000-07:00

Kitna accha hota
Hum yaadon ko shelf mein rakh pate
Kitaabein banakar, Zildband karke
Aur, jab ikchha hoti
Jate, koi kitaab uthate, Padhate.
Phir shelf pe daal aate.
Kitna Achha hota.
Yaadon ke panne nahin,
Yaadon ki kitaab hoti.

Tumne Likha

2007-04-17T12:03:00.000-07:00

Tumne likha "Likhna mujhe kaise karte ho yaad.
Mujhase ubare kaise tum yeh likhna usake baad.

Main guzari un galiyon se jo ekdum anjani
Laut magar aayi hoon ab main jeekar ek kahani

Tumse paya maine woh sab jiska mol nahin hai
Khud ko bhi kuchh aisa baanta jiska tol nahin hai

Khush hoon main ab un cheezon se zinmein zosh nahin tha
Navzeevan ke sapne pal-pal, pahle hosh nahin tha

Ulajhi hoon, tooti hoon hoke apnon se bezaar
paye hain dukh unse jinko khub kiya tha pyaar

Aaj magar gham ko bhoolkar khusiyan dhoondh rahi hoon
Saath tumhara shabdon mein hi ab main dhoondh rahi hoon

Na chaho gar likhana mera, kabhi na bhejungi khat
par yeh rakhna yaad main rasta dekhungi har waqt".

Baadal

2007-04-12T11:54:00.000-07:00

Ai Baadal !

Tumhein to udana aata hai na?
Tum to wahi paani yahan barsaate ho
Jo kahin bhi aur.
To suno, mera ek kaam karoge.
Jab jana na wahan
To unase kehna
Teri baarish mein bheegein.
Maine apna sparsh tumhein udhaar diya

Kehna ki en boondon ko maine chhua tha.
Aur jab lautana, to apne matmaile paani mein
Unki bheegati tasveer jaroor bharke lana.
Mujhe accha lagega.

Main bhi dekhunga
Meri ungliyaan Unke jism ko chhoote waqt
Kaisi lagti hain.
Aur, woh kaisi lagti hain
Mere sparsh se pahle
Aur mere sparsh ke baad.

Aur dekho, agar woh bheegana na chaahein.
To mat bheegona unhein.

Tab sochunga
sharm aati hai unhein
Meri chhuan ka udhaar
Kisi aur se lete.

Dekho, zid mat karna.
Aur, laut kar aana jaroor.

Maa ki tasveer

2007-04-10T13:01:00.000-07:00

Homework tha chitra banao kaam kare jo lagataar
Bacche ulajhe rang-koochi mein, saare tarun chitrakaar

Subah hui aur kaksha baithi, bachhon ne chitra dikhaaye
Suraj, Ghadi, Pankha aur press; Sabne alag thhe chitra banaaye

Teacher ne dekhi ek copy, poochhi "kya banaya ji?"
Bachha thoda ruk-kar bola "tasveer hai meri MAA ki".

The ten minute call

2007-04-09T01:12:00.000-07:00

A call that lasted minutes ten
Capturing moments of lasting pain
A talk that searches answers for,
And pen that succumbes to creative yore.

She who faces history today
She who wants future OK
The wish to get an answer YES
The longing which is more than lust

A place which is 'no-where land'
A journey trailed on desert sand
A life which dreamt of song-n-art
An image drawn in blood-from-heart

A gap that existed five years
Spent in exile to self, is clear.
A death and re-birth, phoneix style
The feeling to sink, which, will take a while.

2007-04-08T12:24:00.000-07:00

Aa gaye hain hum jahan
wahan se aage raasta
Yahin kahin chhupa pada
Padega use dhoondhana.

Main pala jis dhang se -2

2007-04-08T11:37:00.000-07:00

Main pala jis dhang se kyun bhang karti ho kavita
Shaant chhitta tha main pada kyun tang karti ho kavita

Aake ek din hi achanak kahogi 'likh ja mujhe'
Shabd dogi dhoondhkar aur kahogi 'sirja mujhe'
Koi duja na mila kya, mujhko deke apna bhaar
Kyun safar mein zindagi ke sang chalti ho kavita

Bhaavna se door hona chahata hai yeh hriday
Haar ka ehsaas na ho, na karoon mehsoos jay
Banoon Shila, main thhos dil ko kar bhi loon to kya bura
Kyun shila mein padma-sarjit anga bharti ho kavita

Jab bheed bahut Ho

2007-04-08T11:01:00.000-07:00

Jab bheed bahut Ho
Sabhi khush hon
Aur tum akelapan mehsoos karo
Toh samajh lena
Zameer tumhara zinda hai
Mann abhi mara nahin
Dimaag abhi bhi sochata hai
Aadmiyat abhi bhi
Bachi hui hai tujhmein.

Aur yeh soch ke
Khush ho lena.

Ehsaas-7

2007-04-08T10:24:00.000-07:00

Tum kya mere ghar aaye the?
Phir kisne rakhe the haath meri mundi palkon pe
Woh kaun sa tha ehsaas
Jab muje laga ki tum ho
Jabki main janta tha ki tum nahin ho.
Main sidhiyon tak gaya tha dekhane tumhein
aur tumhein na paakar bhi
lauta tha khushi-khushi

Kyunki.
Mujhe kuchh dikh gaya tha.
Meri kalpana mera ehsaas ban gayi thi

Meri duniya ne is duniya ko jeet liya tha
Mere sapne mera sach ban gaye the.
Mere sapne jeet gaye the.

Kyun tang karti ho kavita!

2007-04-06T12:33:00.000-07:00

Main pala jis dhang se kyun bhang karti ho kavita
Shaant chhitta tha main pada kyun tang karti ho kavita

Bhaavna se door hona chahata hai yeh hriday
Haar ka ehsaas na ho, na karoon mehsoos jay

Banoon Shila, main thhos dil ko kar bhi loon to kya bura
Kyun shila mein padma-sarjit anga bharti ho kavita

Why another Blog? What am I searching?

2007-04-05T13:03:00.000-07:00

We think. Ideas sometime take the shape of poetry , sometime of prose, sometime nothing. For nothings, nothing needs to be done. I simply stack them at Interface (my first blog). For prose, I try and capture them on my blog fiction-in-life. There are more things, more genres coming. What do I do with them?

Some say it compartmentalization of thoughts, some feel its stacking them beautifully.... like filing of books neatly in library racks- History goes in left corner, literature on upper right, taxonomy on upper ledge, journals in the drawer.

Similarly for Blogs - Poems on page 1, diary on 2nd. Fiction on 3rd, Essays on 4th, Political comments on 5th, Travelogue on 6th, Portraits on 7th, and probably Autobiography on 8th.... From my side, this is the 3rd one, but not in the same order.

I am searching for "rhythm" on this blog page - in life, in words, in me. Hope to frequent myself with the changed frequencies within and match with the wavelengths outside.

Searching for Rhythm

Khaak hamaare wo kaam aayenge

Kahaniyaan sochi kaiLikha nahinDarta ThaKirdaaron ki zimmedirayanKaun uthayePaida karoonAur paal pos na sakoonTo?Apna lahoo Pila sakoonAisi kuwatNahin mujhmeinmaa hona aasaan nahin hota.Anshul

Zindagi

Chhawal chuNne the.Kaam mushkil tha.Maine kankar chun liye.

Kitaab

Gazal

Bewakufiyan

Agar Khuda ek banker hota

Kirdaar aur Main

Dhokha Zindagi ka

Kya samandar ban sakoge tum?

Raat

Tohmatein

Baadlon ki doosri duniya

Anshu Musalsal jal rahe honge

Dher se Chhote Sher

Chhoti Nazm

Aasmaan ke paar

har subah ka ashaar

Udhaar

Khuda ne kaha

Aawaargi

Thakan

Tamasha

Triveni (4 Aug 2007)

Prashna

Sukoon

ZID

Shabd

Chori

Kapde

Tarzuma

Laal

Keypad

Baarish

Haath

5 Trivenis

Nazar

Bheeshm se kuch prashnhe

Marsiya

Koi to paas rahe

Vaada

Poem

Kya hai kavita?

Yunhi

Hazaar (triveni)

Aukaat

Kuchh Chhote sher aur ek triveni

Prakriti hai Balwati

Gazal

Ehsaas

Ehsaas

Nazm

~~MAA~~

Prakriti ke nikat

Aage kya karoon?

Ulajhane Do

BHAGWAAN YA KHUDA?

Aasha

Raag

Kaun Kahta hai hum akele hain

Koshish (Poem by Amit)

Gazal

Zaroorat

Yaadon

Kavitaaon se baat

Main abhi tak mara nahin

Intezaar kya varshon ka hai

अमित की कविता

प्रकृति के निकट

Aisa Nahin Hota

Apna Aib

Nigaahein

Shelf

Tumne Likha

Baadal

Maa ki tasveer

The ten minute call

Main pala jis dhang se -2

Kahaniyaan sochi kai
Likha nahin

Darta Tha
Kirdaaron ki zimmedirayan
Kaun uthaye

Paida karoon
Aur paal pos na sakoon
To?

Apna lahoo Pila sakoon
Aisi kuwat
Nahin mujhmein

maa hona aasaan nahin hota.

Anshul

Chhawal chuNne the.
Kaam mushkil tha.

Maine kankar chun liye.

MAA